1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Şimali Amerikanın "eSports" komandası olan "Team Liquid" FİDE-nin 1 nömrəli şahmatçısı Maqnus Karlseni heyətinə qatdığını elan edib.
Oxu.Az xəbər verir ki, bu barədə "eSports Insider" (ESI) nəşri məlumat yayıb.
Karlsen "Team Liquid"in siyahısında ikinci şahmatçı olacaq və komandanı 2025-ci il ərzində beynəlxalq şahmat turnirlərində təmsil edəcək.
14 ildir ki, dünyanın bir nömrəsi olan və beşqat dünya çempionu Karlseni heyətinə qatmaqla, "Team Liquid" Fabiano Karuana da daxil olmaqla, planetin iki ən yaxşı şahmatçısı ilə özünü gücləndirib.
Bu strateji tərəfdaşlıq şahmatın e-idman sənayesinə inteqrasiyasında mühüm addımdır.
