Çin Xalq Respublikasının hakimiyyət orqanları Ukrayna böhranının həlli üçün ədalətli razılaşmaya ümid edir və sülhün bərpası səylərini dəstəkləyir.
Publika.az Çin Xarici İşlər Nazirliyinin mətbuat xidmətinə istinadla xəbər verir ki, bunu Çinin xarici işlər naziri Van Yi ukraynalı həmkarı Andriy Sibiha ilə görüşündə bildirib.
“Çin sülhü bərpa etmək üçün bütün səyləri dəstəkləyir. Biz bütün tərəflər üçün məqbul olan ədalətli, davamlı və məcburi sülh sazişinə nail olacağımıza ümid edirik”, - Vanq Yi Münhen Təhlükəsizlik Konfransında bildirib.
Çin Xarici İşlər Nazirliyinin rəhbəri vurğulayıb ki, Pekin həmişə Ukrayna böhranının sülh yolu ilə həllinin tərəfdarı olub və bu məqsədlə müvafiq səylər göstərilib.
Van Yi Pekinin Ukrayna məsələsinin siyasi həllində konstruktiv rol oynamağa davam edəcəyinə və sülhə nail olmaq üçün hər cür səy göstərəcəyinə işarə edib.
