1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Ötən gecə Daşkəsəndə ölümlə nəticələnən bədbəxt hadisə baş verib.
Oxu.Az "Qafqazinfo"a istinadla xəbər verir ki, saat 22 radələrində Emin Nizami oğlu Vəliyev sərxoş vəziyyətdə yaşadığı binanın pilləkənindən yıxılıb.
Belə ki, 26 yaşlı Emin Daşkəsən şəhəri Səməd Vurğun küçəsi 15 ünvanında yerləşən çoxmənzilli yaşayış binasının blokunda pilləkənləri qalxarkən müvazinətini itirib. Nəticədə o, yuvarlanaraq 2-ci mərtəbədən 1-ci mərtəbəyə düşüb.
Gənc oğlan aldığı xəsarətlər nəticəsində hadisə yerində ölüb.
Faktla bağlı araşdırma aparılır.
