"Beynəlxalq Kosmik Stansiya (BKS) “az istifadəyə” malik olduğu üçün istismardan çıxarılmağa hazır olmalıdır".
Demokratikmusavat.com xəbər verir ki, bunu "SpaceX" və "Tesla" şirkətlərinin yaradıcısı, amerikalı milyarder İlon Mask "X" sosial şəbəkəsində bildirib.
"BKS-in orbitdən çıxarılmasına hazırlaşmağa başlamağın vaxtı gəldi. Əlavə fayda çox azdır", - o deyib.
Mask BKS-nin öz məqsədini yerinə yetirdiyini və artıq Marsa getməyin vaxtı olduğunu vurğulayıb.
Keçən ilin noyabrında Roskosmosun keçmiş baş direktoru Yuri Borisov Beynəlxalq Kosmik Stansiyanın Rusiya-ABŞ layihəsi kimi başladığını və onun taleyini birgə həll etməli olduğunu demişdi. Onun sözlərinə görə, hazırda stansiyanın orbitdən çıxarılması və sonra okeanda batırılması variantları müzakirə edilir. O, qeyd edib ki, BKS yəqin ki, hissə-hissə deyil, bütövlükdə batırılacaq, baxmayaraq ki, 400 tonluq obyekt atmosferə girdikdən sonra “çox ciddi bir qarışıqlıq” buraxacaq.(publika.az)
