Bu gün Misli Premyer Liqasında 24-cü tura yekun vurulub.
QOL.az xəbər verir ki, 4-cü oyun günündə ötən gün qarlı hava şəraiti səbəbindən təxirə salınan "Zirə" - "Kəpəz" matçı keçirilib.
Əvvəlcə oyunun saat 16:00-da başlaması nəzərdə tutulsa da, Zirə İdman Kompleksinin stadionunun ot örtüyünün qardan tam təmizlənməsi məqsədilə qarşılaşmanın saat 18:00-da start götürməsi qərara alınıb. Amma hazırlıq prosesi tam yekunlaşmadığına görə matçın start fiti saat 19:00-da verilib. Görüş "Zirə"nin qələbəsi ilə başa çatıb - 2:0. Rəşad Sadıqovun komandası bu qələbə ilə xallarını 45-ə çatdırıb və 2-ci pilləyə yüksəlib.
Hazırda turnir cədvəlində paytaxt təmsilçisi 3-cü, Gəncə klubu isə 9-cudur.
Bu komandalar arasında 1-ci dövrənin oyunu "Zirə"nin 3:0 hesablı qələbəsi ilə yekunlaşıb. 2-ci dövrənin matçında isə paytaxt təmsilçisi 4:0 hesab ilə qalib gəlib.
24 fevral (bazar ertəsi)
18:00. “Zirə”– “Kəpəz” - 2:0
Qol: Rafael Utsiq, 62, Rüstəm Əhmədzadə, 90+3
Hakimlər: Rauf Cabarov, Rahil Ramazanov, Teymur Teymurov, Elçin Məsiyev
VAR: Cavid Cəlilov
AVAR: Kamran Bayramov
Zirə İdman Kompleksinin stadionu
21 fevral (cümə)
19:00. “Neftçi” - “Sumqayıt” - 1:0
22 fevral (şənbə)
“Araz-Naxçıvan” - “Səbail” - 0:0
“Qarabağ” - “Sabah” - 1:1
23 fevral (bazar)
“Şamaxı” – “Turan Tovuz” - 0:1
Bombardirlər:
Leandro Anderade ("Qarabağ") - 9 qol
Cesse Sekidika ("Sabah") - 9 qol
Coy-Lens Mikels ("Sabah") - 8 qol
Felipe Santos ("Araz Naxçıvan") - 8 qol
Davit Volkov ("Zirə") - 8 qol
Salifu Suma ("Zirə") - 8 qol
Pavol Şafranko ("Sabah") - 7 qol
