“The New York Times” (NYT) xəbər verir ki, ABŞ prezidenti Donald Tramp Ukrayna ilə bağlı araşdırma aparmaq və ola bilsin ki, tədbir görmək üçün Amerika rəsmiləri ilə görüşəcək.
Görüş bu gün, martın 3-də baş tutacaq və onun nəticəsi Kiyevə hərbi yardımın dayandırılması ola bilər.
İclasda dövlət katibi Marko Rubio, Pentaqonun rəhbəri Pit Heqset və milli təhlükəsizlik üçün məsul olan digər yüksək vəzifəli məmurlar iştirak edəcək. “Times” mənbələrindən biri bildirib ki, qarşıdan gələn müzakirələrə Ukraynaya hərbi yardımın dayandırılması və ya ləğv edilməsi, o cümlədən keçmiş prezident Co Baydenin administrasiyası tərəfindən təsdiq edilmiş və ödənilmiş sursat və avadanlıq təchizatı daxil ola bilər.
//Samir Qurbanov, Editor.az
