Qaxda piyadanı avtomobil vuraraq öldürüb.
"Report"un Şimal-qərb bürosunun məlumatına görə, hadisə axşam saatlarında Zaqatala-Qax avtomobil yolunun rayonun Ləkit kəndi ərazisindən keçən hissəsində baş verib.
Belə ki, hərəkətdə olan minik avtomobili yolu keçmək istəyən 53 yaşlı Bakı şəhər sakini Natiq Həsənovu vurub.
N.Həsənov aldığı ağır xəsarətlərdən hadisə yerində ölüb.
Faktla bağlı araşdırma aparılır.
