Qanunsuz saxlanılan silahların götürülməsi istiqamətində əməliyyat

Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir.

Məlumatı DİN mətbuat xidməti verib. 

Martın 11-də polis əməkdaşları paytaxt və respublikanın ayrı-ayrı rayonlarında 8 avtomat silahı, 3 tapança, 3 qumbara, 35 tüfəng, 3 patron darağı və 187 ədəd müxtəlif çaplı patron aşkar edərək götürüblər.

Binəqədi RPİ 43-cü Polis Bölməsi əməkdaşlarının keçirdikləri növbəti tədbir nəticəsində isə rayon ərazisində 1 tapança, 1 patron darağı və 4 patron tapılaraq götürülüb. 

Araşdırmalar aparılır.

 

P.ƏMİRCANOV

XQ