“Volkswagen” Almaniya hökuməti ilə yeni müqavilə çərçivəsində müdafiə sənayesinə daxil olur.
Demokratikmusavat.com xarici KİV-ə istinadla xəbər verir ki, şirkət istehsal gücündən hərbi texnika istehsalında istifadə edəcək.
Belə ki, “Volkswagen” müxtəlif müdafiə vasitələrinin, ilk növbədə hərbi maşınların və logistik dəstək sistemlərinin istehsalına başlayacaq.
Bu addım Almaniyanın artan müdafiə xərclərinə və Avropanın təhlükəsizlik ehtiyaclarına uyğun olaraq strateji qərar hesab edilir.
"Bu addım şirkətimizin geniş istehsal potensialını şaxələndirmək və cəmiyyətə xidmət etmək üçün mühüm fürsətdir. Bizim müdafiə sektoruna verdiyimiz töhfə təkcə işçi qüvvəsi və texnologiya baxımından deyil, həm də Almaniyanın təhlükəsizliyi baxımından mühüm rol oynayacaq", - Volkswagen-in baş direktoru deyib.
“Volkswagen”in hərbi istehsal fəaliyyətlərinin təkcə Almaniyada deyil, Avropada da böyük təsir göstərəcəyi gözlənilir.
