Azərbaycanda bu ilin yanvar ayında orta aylıq əmək haqqı 12,8% artaraq 1062,9 manata çatıb. Yeni sosial paketin icrası maaş və pensiya artımlarına müsbət təsir edib.
QHT.az xəbər verir ki, bu barədə deputat Vüqar Bayramov məlumat verib. Onun sözlərinə görə, bu sosial paket 3 milyondan çox vətəndaşı əhatə edəcək və əlavə 1.5 milyard manatdan çox vəsait ayrılması nəzərdə tutulub:
"Prezidentin tapşırığı ilə Nazirlər Kabineti müavinət və təqaüdlərin artırılması ilə bağlı təklifləri bu həftə təqdim edəcək. 2025-ci ildə sosial paketin daha da genişləndirilməsi gözlənilir".
