Martın 19-dan etibarən bu günə qədər Türkiyədə keçirilən etiraz aksiyaları zamanı 1 879 nəfər saxlanılıb.
Bunu Türkiyənin daxili işlər naziri Əli Yerlikaya X sosial media hesabında yazıb.
Nazir bildirib ki, onlardan 260 nəfəri həbs edilib, 468-i üzrə məhkəmə nəzarəti qərarları qəbul edilib.
“Onlardan 662-si üzrə araşdırmalar davam etdirilir. Onlardan 489-u azadlığa buraxılıb”, – deyə Ə.Yerlikaya bildirib.
Xatırladaq ki, martın 19-u İstanbulun Baş Prokurorluğu şəhərin meri Əkrəm İmamoğlu, İstanbul meriyasının baş katibinin müavini Mahir Polat, Şişli Bələdiyyə başçısı Rəsul Emrah Şahan da daxil olmaqla, 7 şübhəli barəsində “PKK/KCK terror təşkilatına yardım etmək” ittihamı ilə saxlanılma qərarı çıxarıb. Bundan sonra ölkənin bir sıra yerlərində etiraz aksiyaları başlayıb.
