Çili çempionatında "Sport Huaquilla" və "Magdalena CEDEC" komandaları arasında keçirilən oyun qalmaqalla yadda qalıb.
Offsideplus.az xəbər verir ki, Ankas bölgəsində təşkil olunan qarşılaşmanın 82-ci dəqiqəsində hakim Luis Aleqre qonaqların futbolçusuna qırmızı vərəqə göstərib.
Bu vaxt "Magdalena CEDEC"in məşqçisi əlində plastik su qabı ilə hakimə hücum edib. Özünü itirməyən Luis Aleqre dəqiq təpik zərbəsi ilə məşqçini yerə sərib. Hakim hətta zərbə zamanı qırmızı vərəqəni əlindən buraxmayıb.
Digər futbolçular Luis Aleqrinin cavabını vermək istəsələr də, yan xətt hakimləri və polislərin müdaxiləsi ilə insidenti sakitləşdirmək mümkün olub.
