Ukrayna Prezidenti Vladimir Zelenski və Böyük Britaniya Baş naziri Keyr Starmer arasında telefon danışığı baş tutub.
Axar.az xəbər verir ki, bu barədə Zelenski sosial şəbəkə hesabında məlumat verib.
O qeyd edib ki, Starmerlə sülhə nail olmaq üçün addımların əlaqələndirilməsi və əməkdaşlığın daha da gücləndirilməsindən danışıblar.
"Eyni zamanda, Keyr Donald Tramp ilə söhbətinin detallarından danışıb. Onlar liderlərin Parisdə keçirilən son görüşünün nəticələrini və Vladimir Putinə təzyiqin davam etdirilməsinin vacibliyini müzakirə ediblər”, - Zelenski vurğulayıb.
