Elm və təhsil naziri Emin Əmrullayev saxta plastik cərrahlar və ya saxta diplomlu həkimlərlə bağlı suallara aydınlıq gətirib.
Demokratikmusavat.com xəbər verir ki, nazir brifinqdə çıxışı zamanı bildirib ki, hansısa həkimin diplomu olduğunu deməsi, həmin sənədin rəsmi tanındığı mənasına gəlmir:
"Bu o demək deyil ki, həmin adamların diplomu tanınıb və ya onlara dövlət sənədi verilib. Ola bilər ki, onun əlindəki diplom kağız parçasıdır və özəl müəssisədə insanlara deyir ki, mən həkiməm, dövlət isə ona heç bir sənəd verməyib. O demək deyil ki, "diplomum var" deyirsə, dövlət ona diplom verib. Saxta sənəd deyəndə müxtəlif işbazlar tərəfindən surəti çıxarılmış diplomlardan söhbət gedə bilər. Ona görə də bunu hüquq-mühafizə orqanları araşdırır və mənim şərh etməyim düzgün olmaz.
Biz qurum olaraq diplomu Səhiyyə Nazirliyindən gələn rəy əsasında veririk".
Billurə Yunus
