Futbol üzrə Azərbaycan Premyer Liqasının 23-cü turu çərçivəsində “Sumqayıt”ın qonağı olan “Zirə” 50-ci səfər qələbəsini qazanıb.
Arena.az xəbər verir ki, Rəşad Sadıqovun yetirmələri səfərdə 3:0 hesabı ilə qalib gəliblər.
Bu, 2015-ci ildə Premyer Liqada debüt etmiş Bakı klubunun rəqib meydanlarındakı 145-ci oyunda 50-ci qələbəsi olub. Qəsəbə klubu ölkə çempionatları tarixinə səfərdə 50 və daha çox qələbə qazanan 10-cu komanda kimi düşüb. “Zirə” eyni sayda səfərdə 3 xal qazanan “Şəmkir”lə eyni göstəriciyə malikdir.
