Avropa səhiyyə sistemi durğundur və bir sıra sahələrdə geri qalır.
Demokratikmusavat.comxəbər verir ki, bu barədə Ümumdünya Səhiyyə Təşkilatı ( ÜST ) məlumat yayıb.
"Uşaqların və yeniyetmələrin sağlamlığından tutmuş xroniki xəstəliklərə qədər bütün göstəricilərdə durğunluq və ya hətta geriləmə var", - ÜST vurğulayıb.
Məlum olub ki, Avropa regionunda hər beşinci yeniyetmə psixi pozğunluqlardan əziyyət çəkir, 13-15 yaşlı hər onuncu yeniyetmə isə bu və ya digər formada tütün məmulatlarından istifadə edir.
"Bundan əlavə, Avropa regionu alkoqol istehlakına görə dünyada birinci yerdədir, ən yüksək göstəricilər Avropa İttifaqında, ən aşağı isə Mərkəzi Asiyada qeydə alınıb", - təşkilat qeyd edib.
ÜST əlavə edib ki, region 2025-ci ilə qədər siqareti 30% azaltmaq yolunda deyil.(Publika.az)
