ABŞ və Ukrayna prezidentləri arasında çəkişməni dünyada hamı gördü. Kimin günahkar olduğunu və bunun niyə belə olduğu haqda təfərrüatlara varmayaq...
“What next?”, belə desək...
Bəzi nəticələr çıxarmağa çalışaq:
- ABŞ-ın Ukrayna ilə razılaşması nəticə vermədi. Yəni Ukrayna ilə bağlı Ukrayna ilə danışıqlar dayanacaq. Lakin Trampın Ukrayna ilə bağlı Rusiya ilə danışıqları davam edəcək. Və burada Trampın Zelenski ilə görüşdən sonra mövqeyi görüşdən əvvəlkindən daha zəif olacaq...
- Əgər Tramp vasitəçidirsə, onun münaqişənin hər iki tərəfi ilə normal münasibətləri olmalıdır. Zelenski ilə heç də yaxşı olmadı. Bu məqamda Moskvanın amerikalılara sualları olacaq. Əgər Vaşinqton Kiyevə təzyiq göstərə bilmirsə, onda Vaşinqtonla danışıqlara nə lüzum var ki?! Ona görə də Tramp Kiyevə daha da böyük təzyiq göstərməli olacaq. Qorxuram ki, Tramp yardımı məhdudlaşdırmaqla dayanmayacaq... Müharibənin Rusiyanın xeyrinə tam təxribatı ola bilər...
- Zelenskinin varlığının təhlükə altında olduğu fikrimi xatırladıram. Əgər görüşdən əvvəl Putin Zelenskinin Ukrayna prezidenti postunu tərk etməsini görmək üçün Trampdan daha çox istəkli idisə, Ağ Evdəki görüşdən sonra Tramp bunda Putindən az maraqlı deyil. Trampın Zelenskinin fiziki olaraq aradan qaldırılmasına dair göstərişi çox tezliklə verilə bilər.
- Zelenski hələ bir neçə ay müharibəni davam etdirmək üçün Aİ-dən silah və iqtisadi yardıma malikdir, ona görə də manevr üçün yer var. Ukrayna üçün çox şey aparıcı Avropa ölkələrindən və ABŞ-ın özündəki etirazın keyfiyyətindən asılıdır.
- və nəhayət... proseslər daha böyük qeyri-müəyyənlik uçurumuna, ənənəvi ittifaqların dağılmasına və yeni situasiya qruplarının yaranmasına doğru gedir. Yeni gərginlik ocaqlarının yaranması riski çox yüksəkdir.
