İsrail hökuməti Fələstinin HƏMAS hərəkatını atəşkəs razılaşmasının birinci mərhələsini uzatmağa məcbur etmək üçün ona təzyiqləri artırmaq niyyətindədir.
Keçən həftə İsrail Qəzza zolağına humanitar yardımın daşınmasını əngəlləyəcəyini açıqlamışdı. İndi Təl-Əviv anklavın elektrik enerjisini kəsməyi planlaşdırır.
Editor.az bildirir ki, bu barədə “Kan” radiosu xəbər verir. Xəbərə görə, İsrailin HƏMAS-ı Amerikanın birinci mərhələnin uzadılması təşəbbüsü ilə razılaşmağa məcbur etmək üçün görəcəyi ən ekstremal tədbir fələstinlilərin anklavın cənubuna ikinci təxliyəsi və ABŞ-ın təchiz etdiyi yeni silahlardan istifadə edərək hərbi əməliyyatların bərpasıdır. Martın 2-də baş nazir Benyamin Netanyahu İsrail Müdafiə Qüvvələrinin anklavda hərbi əməliyyatları bərpa edə biləcəyini açıqlamışdı.
Xatırladaq ki, tərəflər arasında atəşkəs yanvarın 19-dan qüvvəyə minib.
/Samir Qurbanov, Editor.az
