“Qarabağ"ın futbolçusu cəzalandırıldı

Əvəzedicilər Liqasında çıxış edən “Qarabağ-2”nin futbolçusu Nihad Mollayev 4 oyunluq cəzalandırılıb.

“Football-plus.az” xəbər verir ki, bu barədə AFFA-nın İntizam Komitəsinin iclasında qərar qəbul olunub.

Futbolçunun cəzalanmasına Əvəzedicilər Liqasının 25-ci turunda “Sumqayıt-2” ilə matçda hakimləri təhqir etdiyinə görə birbaşa qırmızı vərəqə alması səbəb olub. Bununla yanaşı, Ağdam təmsilçisi 300 manat cərimələnib.

AFFA “Sumqayıt-2”ni də cəzalandırıb. “Qarabağ-2” ilə görüşdə oyun günü planı pozulduğuna görə Sumqayıt təmsilçisi 100 manat ziyana düşüb.