Fransanın BMT-dəki daimi nümayəndəsi Nikola de Rivyer ABŞ-ın Ukrayna ilə bağlı qəbul etdiyi qətnaməni “cəngəllik qanunu” ilə müqayisə edib.
Oxu24.com xəbər verir ki, bu barədə Financial Times qəzeti yazır.
"Təcavüz təşviq edilərsə və cəngəllik qanunu hökm sürərsə, heç bir yerdə sülh və təhlükəsizlik olmayacaq", deyə qeyd olunur.
Belə ki, daimi nümayəndə səsvermədə bitərəf qalmaq qərarına münasibət bildirib. Nəşr bildirir ki, Britaniya nümayəndələri münaqişədə Ukrayna və Rusiya tərəflərinin statusunu bərabərləşdirməməyə çağırıblar.
Fevralın 24-də BMT Baş Assambleyası Ukrayna ilə bağlı iki qətnaməyə səs verib: Ukrayna-Avropa və Amerika. Hər ikisi qəbul edildi.
Beynəlxalq təşkilatın Təhlükəsizlik Şurası da Amerika qətnaməsinə baxıb. Sənəd ilkin variantında qəbul edilib, Təhlükəsizlik Şurası həm Avropa ölkələrinin anti-Rusiya düzəlişlərini, həm də münaqişənin səbəblərinin qiymətləndirilməsinə aydınlıq gətirmək məqsədi daşıyan Rusiyanın təkliflərini rədd edib.
Daha sonra Rusiyanın xarici işlər naziri Sergey Lavrov bildirib ki, BMT-də Ukrayna münaqişəsi ilə bağlı səsvermənin nəticələri göstərir ki, böhranın əsas səbəblərini aradan qaldırmaq zərurətinin dərk edilməsi yavaş-yavaş, lakin şübhəsiz öz yolunu tutur.
Nigar
