İspaniya hökuməti ifrat solçu Sumar partiyasının maaşlara toxunmadan iş həftəsinin 40 saatdan 37,5 saata endirilməsi təklifi ilə razılaşıb.
Publika.az xəbər verir ki, bu barədə “Reuters” məlumat yayıb.
Həftəlik hökumət iclasında qəbul edilən qərar Sumar partiyasının lideri, baş nazirin müavini və əmək naziri Yolanda Diazın imzaladığı fərmanla təsdiqlənib.
"Bu təklif daha yaxşı yaşamaq, daha az işləmək və daha məhsuldar və iqtisadi cəhətdən səmərəli olmaq məqsədi daşıyır", - Diaz jurnalistlərə açıqlamasında bildirib.
