İsrailin Baş naziri Benyamin Netanyahu özünün hərbi katibi general-mayor Roman Hoffmanı təhlükəsizlik məsələləri və ikitərəfli əməkdaşlığın gücləndirilməsi ilə bağlı bir sıra görüşlər keçirmək üçün Moskvaya göndərib.
Publika.az xəbər verir ki, bu barədə İsrailin "Ynet" xəbər portalı öz mənbələrinə istinadla məlumat yayıb.
Hoffmanın səfəri hərəkətlərin əlaqələndirilməsi və İsrailin təhlükəsizliyinin təmin edilməsi məqsədi daşıyır. Bundan əlavə, İsrail tərəfi Qəzza zolağında saxlanılan israilli girovların, o cümlədən Rusiya vətəndaşının oğlu Maksim Xarkinin azad edilməsini sürətləndirmək üçün HƏMAS hərəkatına təzyiq göstərmək üçün Rusiyadan vasitəçiliyinə müraciət etmək niyyətindədir.
Fevralın əvvəlində Rusiya prezidentinin mətbuat katibi Dmitri Peskov bəyan edib ki, Fələstinin radikal HƏMAS hərəkatı ilə İsrail arasında münaqişə yalnız iki dövlətli həll əsasında həll edilə bilər.
