Olaylar.az xəbər verir ki, bunu ABŞ Dövlət katibi Mark Rubio İrlandiyada keçirdiyi mətbuat konfransında deyib.
O, sülh prosesi çərçivəsində aparılan danışıqlar zamanı ərazi güzəşti məsələsindən də söhbət açıldığını bildirib. Lakin təfərrüatları açıqlamayıb.
Rubio həmçinin 30 günlük atəşkəs təklifinə Rusiyadan müsbət cavab alacağına ümid etdiyini söyləyib:
"İnsanların ölməməsi, güllələrin havada uçmaması üçün bütün hərbi əməliyyatlar dayandırılmalıdır. Bu münaqişənin hərbi yolla həlli yoxdur".
Qeyd edək ki, ötən gün Səudiyyə Ərəbistanında Vaşinqton və Kiyev rəsmiləri arasında baş tutan görüş nəticəsində Ukrayna 30 günlük atəşkəs razılaşması təklifini qəbul edib. Eyni zamanda ABŞ-ın Ukraynaya hərbi yardımı və kəşfiyyat məlumatlarının mübadiləsini bərpa etdiyi deyilir. (Globalinfo)
