Rusiyada məktəbli dəhşətli cinayətdə ittiham olunur

Rusiyanın Kama vilayətində Yayva kənd sakinini təcavüz edərək qətlə yetirməkdə şübhəli bilinən 16 yaşlı məktəbli saxlanılıb.

Milli.Az oxu.az-a istinadən xəbər verir ki, istintaq xarici müşahidə kameralarından istifadə edərək müəyyən edib ki, yeniyetmə 21 yaşlı qadınla meşədə olub. Qadının çılpaq cəsədi uşaq bağçasının yaxınlığındakı arxdan tapılıb.

İstintaq Komitəsindən verilən məlumata görə, qadının qətlini törətməkdə şübhəli bilinən, əvvəllər məhkum olunmamış, 2008-ci il təvəllüdlü yerli sakin saxlanılıb.

Mərhum aprelin 20-dən axtarılıb. Həmin gün səhər əri ondan balıq ovuna getmək üçün soxulcan toplamağı xahiş edib. Qadın oğlunu nənə və babası ilə qoyaraq yaxınlıqdakı meşəyə gedib. Onun meyiti aprelin 23-də tapılıb.

Milli.Az
Xəbərlərimizi WhatsApp kanalımızdan da oxuyun