1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Beynəlxalq Avtomobil Federasiyası (FIA) "Formula-1" üzrə dünya çempionatının bu ilin təqviminə daxil olan Qran-Prilərin sessiyalarının başlama saatlarını açıqlayıb.
Oxu.Az xatırladır ki, təqvimdə 17-ci olan Azərbaycan Qran-prisi sentyabrın 19-dan 21-nə qədər baş tutacaq və cümə günü iki məşq sessiyasından, şənbə günü məşq sessiyası və sıralanma turunda, nəhayət, bazar günü əsas yarışdan ibarət olacaq.
FIA-nın dərs etdiyi cədvələ əsasən, cümə günü ilk sessiya Bakı vaxtı ilə saat 12:30-da başlayacaq. Nahardan sonra, yəni saat 16:00-da isə ikinci məşqlər baş tutacaq. Şənbə günü də sessiyalar eyni zamanda başlayacaq - nahardan əvvəl son məşqlər (12:30), nahardan sonra isə sıralanma turu (16:00) keçiriləcək.
Həftəsonunun bütün avtoidman həvəskarları tərəfindən səbirsizliklə gözlənilən son sessiyası isə bazar günü saat 15:00-da start alacaq.
| Sessiya | Saat (Bakı vaxtı ilə) |
| 1-ci məşqlər | 12:30 - 13:30 |
| 2-ci məşqlər | 16:00 - 17:00 |
| 3-cü məşqlər | 12:30 - 13:30 |
| Sıralanma turu | 16:00 - 17:00 |
| Yarış | 15:00 - 17:00 |
