1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"OpenAI" şirkətinin "ChatGPT-5" modeli bütün istifadəçilər üçün pulsuz olacaq və standart intellekt gücünə qeyri-məhdud girişi təmin edəcək.
Oxu.Az-ın verdiyi məlumata görə, bu barədə şirkətin rəhbəri Sem Altman özünün "X" hesabından bildirib.
Pulsuz girişdən əlavə, "ChatGPT-5" bir sıra əhəmiyyətli təkmilləşmələr gətirəcək.
Model səsli söhbət, sənədlərin birgə redaktəsi, internetdə məlumat axtarışı və süni intellekt agenti funksiyalarını dəstəkləyəcək. Bu, istifadəçilərə süni intellektlə daha səmərəli qarşılıqlı əlaqə qurmağa və geniş spektrli tapşırıqları həll etməyə imkan verəcək.
Altman həmçinin qeyd edib ki, "GPT-5" artıq "o3" modelində istifadə olunan dərin mühakimə texnologiyasının tətbiqindən əvvəlki son model olacaq. Bu o deməkdir ki, gələcəkdə istifadəçilər modellər arasında keçid etməli olmayacaq və vahid sistem çərçivəsində "OpenAI"ın bütün qabaqcıl imkanlarından istifadə edə biləcəklər.
