1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"xAI" şirkəti İlon Maskın dünyanın ən ağıllı süni intellekt modeli adlandırdığı yeni "Grok 3"ə girişi pulsuz edib.
Oxu.Az xəbər verir ki, bu barədə "xAI"nin "X" sosial şəbəkəsindəki rəsmi hesabında məlumat verilib.
"Grok 3" indi "X" sosial şəbəkəsinin proqramında və "Grok"un saytında beta versiyada mövcuddur.
Qeyd olunur ki, "X Premium+" və "SuperGrok" abunəçiləri "Grok 3"ə genişləndirilmiş giriş, həmçinin səs rejimi kimi əlavə funksiyalara erkən giriş əldə edəcəklər.
"Grok 3" pulsuz versiyasının istifadəçiləri dərin axtarış və təfərrüatlı, əsaslandırılmış cavablar üçün "DeepSearch" və mürəkkəb riyaziyyat, elm və proqramlaşdırma problemlərini yeni əsaslandırma modelindən istifadə edərək həll etmək üçün "Think"dən istifadə edə biləcəklər.
