Ermənistan Türkiyə ilə münasibətləri normallaşdırmağa tam hazırdır.
"Unikal" xəbər verir ki, bunu Ermənistan-Türkiyə münasibətlərinin normallaşdırılması üzrə xüsusi elçi Ruben Rubinyan Türkiyənin NTV telekanalına müsahibəsində deyib.
Onun sözlərinə görə, proses başlayandan Ermənistanın bu məsələyə yanaşması dəyişməyib: "Biz Türkiyə ilə münasibətlərin tam normallaşmasını, o cümlədən diplomatik münasibətlərin normallaşdırılmasını və Ermənistanın quru sərhədinin açılmasını gözləyirik".
Normallaşma prosesindən danışan Ermənistan nümayəndəsi bir daha Ermənistanın heç bir ilkin şərt olmadan münasibətləri normallaşdırmağa hazır olduğunu vurğulayıb.
Ağarza Elçinoğlu
