Misir 2034-cü ildə keçiriləcək dünya çempionatının bəzi oyunlarına ev sahibliyi etmək istəyi barədə FIFA-ya məlumat verib.
Afrika Futbol Konfederasiyasının (CAF) Baş Assambleyasında çıxış edən Misir Futbol Federasiyasının prezidenti Hani Əbu Rida FIFA prezidenti Canni İnfantinoya 2034-cü ildə keçiriləcək dünya çempionatının qruplarından birində matçların Misirdə keçirilməsi xahişi ilə müraciət etdiyini bildirib.
Misir millisinin turnirdə debüt etməsinin 100 illiyinə təsadüf DÇ zamanı bəzi oyunların ölkədə keçirilməsi təklif olunur. 1934-cü ildə misirlilər dünya çempionatında çıxış edən ilk Afrika komandası olub.
Qeyd edək ki, 2034-cü ildə dünya çempionatı Səudiyyə Ərəbistanında keçiriləcək.
