1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Volodimir Zelenski ABŞ nümayəndələri ilə Səudiyyə Ərəbistanında keçiriləcək görüşlərdə Ukrayna nümayəndə heyətinin tərkibində deyil".
Oxu.Az-ın "RIA Novosti"yə istinadən xəbərinə görə, bu sözləri ABŞ dövlət katibi Marko Rubio Səudiyyə Ərəbistanına səfəri zamanı jurnalistlərlə söhbətində deyib.
"O, nümayəndə heyətinin bir hissəsi deyil. Demək istədiyim odur ki, o burada vəliəhd şahzadə ilə görüşür, amma onun görüşlərimizin bir hissəsi olacağını düşünmürəm. Bizim görüşlərimiz onların göndərdiyi nümayəndə heyəti ilədir: onların milli təhlükəsizlik müşaviri, müdafiə naziri və xarici işlər naziri", - deyə ABŞ dövlət katibi bildirib.
Eyni zamanda, Marko Rubio Zelenski ilə Səudiyyə Ərəbistanında qeyri-rəsmi söhbətin mümkünlüyünü də istisna etməyib.
