Fransanın xarici işlər naziri Jan-Noel Barrot bildirib ki, Kiyev yaxın gələcəkdə NATO-ya üzv olmasa belə, Aİ Ukraynaya təhlükəsizlik zəmanəti verəcək. Bu barədə Reuters xəbər verir.
Bundan əlavə, Barronun sözlərinə görə, Aİ ölkələrinin nümayəndələri iştirak etməsə, Ukrayna danışıqlarda “ədalətli sülhə” nail olmayacaq və vurğulayıb ki, “sülh müqaviləsinin parametrlərini yalnız ukraynalılar müəyyən etməlidir”.
Əvvəllər bildirilirdi ki, Böyük Britaniya, Fransa, Almaniya və Polşa ABŞ-ın maddi-texniki dəstəyi ilə öz sülhməramlılarını Ukraynaya göndərə biləcək ölkələr sırasında ola bilər. Bundan əlavə, yanvar ayında Ukrayna lideri Vladimir Zelenski Kiyev üçün mümkün təhlükəsizlik zəmanəti kimi Ukraynada Amerika qoşunlarının yerləşdirilməsində israr etmişdi.
Fevralın 11-də “The Guardian” yazıb ki, Avropa hazırda Ukrayna ərazisinə qoşun yerləşdirmək barədə qərar verməkdən çox uzaqdır, Zelenski isə yumşaq sülhməramlı missiyanın effektli olmayacağına inanır.
Əziz Mustafa, Oxuməni.az
