Avropa Komissiyasının (AK) prezidenti Ursula fon der Leyen səlahiyyətlərini mərkəzləşdirir və rəhbərliyini daha sərt edir.
Hit.az xəbər verir ki, bu barədə “Politico” mənbələrə istinadən məlumat yayıb.
Nəşrin məqaləsində qeyd olunur ki, AK rəhbəri getdikcə nəzarətçi olur və Avropa İttifaqını az qala prezident kimi, yəni təkbaşına idarə edir.
Avropa İttifaqından kənar ölkələrdən birinin səfirinin sözlərinə görə, fon der Leyen və onun əsasən Almaniyadan olan müşavirləri Avropa Parlamentinin qərarlarını nəzərə almadan Aİ daxilində bütün kommunikasiyalara ciddi nəzarət edirlər. Bütün siyasi qərarlar Avropa Komissiyasının sədri səviyyəsində qəbul edilir.
Aİ rəsmisi bildirib ki, AK rəhbəri yanvar ayında pnevmoniya ilə xəstələndikdə və səlahiyyətlərini müavininə təhvil verə bilməyəndə, onun olmaması Aİ-nin iqtisadi bərpa planının təqdimatını ayın sonuna qədər gecikdirib.
Eyni zamanda, AK nümayəndəsi Stefan de Keersmaeker rəhbərinin cəmiyyəti idarə etməyə yanaşmasının getdikcə tək adama çevrilməsi fikrini təkzib etdi. Onun fikrincə, AK sədri əməkdaşlığa Komissiyanın bütün səviyyələrində fəaliyyət göstərən rəhbər prinsip kimi hörmət edir.
Fevralın 19-da "Financial Times" (FT) mənbələrə istinadən yazıb ki, Avropa İttifaqı koronavirus pandemiyasından sonra Avropa Bərpa Mexanizmindən istifadə olunmamış 93 milyard avro vəsaiti öz müdafiə sektoruna yönləndirmək imkanlarını araşdırır.
Samir
