RU

ABŞ və HƏMAS nümayəndələri arasında görüş baş tutub

1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.



ABŞ və HƏMAS hərəkatının nümayəndələri Qəzza zolağında saxlanılan girovların azad edilməsi məsələsini müzakirə etmək üçün görüş keçiriblər.
Oxu.Az xəbər verir ki, bu barədə Livanın "Əl Mayadeen" telekanalına adını açıqlanmasını istəməyən yüksəkvəzifəli HƏMAS üzvü məlumat verib.
Onun sözlərinə görə, görüş Birləşmiş Ştatlar tərəfinin xahişi ilə baş tutub.
HƏMAS nümayəndəsi bildirib ki, Vaşinqtondan gələn xüsusi nümayəndə yalnız əsirlərin mübadiləsindən danışıb, atəşkəs və müharibənin başa çatması ilə bağlı məsələlərə toxunmayıb.
"ABŞ tərəfi məhbusların mübadiləsi üçün konkret formul təqdim etməyib və əsasən HƏMAS-ın mövqeyini dinləyib", - deyə mənbə qeyd edib.
Məlumat üçün qeyd edək ki, HƏMAS-ın girov saxladığı şəxslər arasında ABŞ vətəndaşları da var.
Избранный
118
50
oxu.az

10Источники