Ukrayna prezidenti Volodimir Zelenski Ukrayna və Amerika nümayəndə heyətləri arasında danışıqlara qatılmayacaq.
Qaziler.az xəbər verir ki, bunu “Fox News”un jurnalisti Nana Sadjaya məlumatlı mənbəyə istinadən bildirib. Planlaşdırılan görüş martın 11-də Səudiyyə Ərəbistanında baş tutacaq.
“Zelenski çərşənbə axşamı Amerika nümayəndə heyəti ilə görüşdə iştirak etməyəcək”, - Sadjaya “X” sosial şəbəkəsində yazıb.
Daha əvvəl ABŞ-Ukrayna danışıqları üçün Amerika nümayəndə heyətinə Ağ Evin milli təhlükəsizlik üzrə müşaviri Mayk Uols, Yaxın Şərq üzrə xüsusi elçi Stiven Uitkoff və dövlət katibi Marko Rubionun rəhbərlik edəcəyi açıqlanmışdır. Ukrayna tərəfini isə prezident aparatının rəhbəri Andrey Yermak təmsil edəcək.
QAZİLER.AZ
