Avropa Komissiyası ABŞ-ın Avropa mallarına gömrük rüsumlarının tətbiqinə cavab olaraq əks tədbirlərə başlandığını elan edib...
Poliqon-nun məlumatına görə, AK bildirib ki, tədbirlər Avropa bizneslərini, işçilərini və istehlakçılarını "əsassız ticarət məhdudiyyətlərinin təsirindən" qorumaq məqsədi daşıyır.
Bəyanatda deyilir ki, bu tədbirlər üzv dövlətlər və maraqlı tərəflərlə müzakirələrdən sonra aprelin ortalarında qüvvəyə minəcək. AK aydınlaşdırıb ki, tariflərə baxmayaraq, Avropa İttifaqı danışıqlar yolu ilə həll yolu tapmaq üçün ABŞ administrasiyası ilə işləməyə hazır olaraq qalır və yeni tədbirlər istənilən vaxt ləğv edilə bilər.
ABŞ prezidenti Donald Tramp fevralın sonunda Aİ-dən gələn mallara 25 faiz rüsum tətbiq etməyi planlaşdırdığını bildirib. O, həmçinin bildirib ki, Kanada və Meksikadan gələn mallara yüksək tariflər aprel ayından etibarən qüvvəyə minəcək. Bloomberg-in məlumatına görə, mümkün tariflər Avropa İttifaqına ÜDM-in 1,5%-nə başa gələ bilər.
Poliqon.info
