İlyas İsmayılovla vida mərasimi keçirilir — FOTOLAR

Ötən gün vəfat edən keçmiş baş prokuror və ədliyyə naziri İlyas İsmayılovla vida mərasimi keçirilir.

“Qafqazinfo”nun məlumatına görə, Heydər Məscidində təşkil edilən mərasimdə mərhumun yaxınları, dövlət və ictimaiyyət nümayəndələri iştirak edirlər.

Mərhum vida mərasimindən sonra Nardaran qəbiristanlığında dəfn ediləcək.

Qeyd edək ki, İ.İsmayılov 1985-1990-cı illərdə Respublika prokuroru, 1992-1995-ci illərdə isə ədliyyə naziri işləyib. Milli Məclisin III və IV çağırış deputatı olan İsmayılov 2001-ci ildən Ədalət Partiyasına sədrlik edirdi.

O, ötən gün müalicə aldığı Mərkəzi Klinikada multiorqan çatışmazlığından vəfat edib.