I Liqada çıxış edən "Qaradağ Lökbatan"ın baş məşqçisi Amit Quluzadə 3 oyunluq cəzalandırılıb.
Sportinfo.az xəbər verir ki, bu barədə AFFA İntizam Komitəsinin iclasında qərar çıxarılıb.
Buna mütəxəssisin XVII turda MOİK-lə görüşdən sonra hakimlərin qərarına etiraz etdikdən sonra qırmızı vərəqə alması və ədalət təmsilçilərinin otağına daxil olması səbəb olub. Lökbatan klubu 300 manat cərimə edilib.
"İmişli"nin legioneri Gilyerme Silva isə 4 oyunluq cəza ilə üzləşib. O, "Mingəçevir"lə görüşdə təcavüzkar davranışa görə birbaşa qırmızı vərəqə almışdı.
Bölgə təmsilçisi onun bu hərəkətinə görə 300 manat ödəyəcək.
