Lavrov və Uşakov Ər-Riyadda ABŞ nümayəndə heyəti ilə görüşəcək
Fevralın 18-də Səudiyyə Ərəbistanının paytaxtında Amerika nümayəndə heyəti ilə görüşdə Rusiyanı xarici işlər naziri Sergey Lavrov və Rusiya prezidentinin beynəlxalq məsələlər üzrə köməkçisi Yuri Uşakov təmsil edəcək. Bu barədə Rusiya prezidentinin mətbuat katibi Dmitri Peskov məlumat verib. Görüş Rusiya-Amerika münasibətlərinin bərpasına, Ukrayna münaqişəsi ilə bağlı mümkün danışıqların hazırlanmasına, Rusiya və ABŞ prezidentləri Vladimir Putin və Donald Tramp arasında görüşün təşkilinə həsr olunacaq.
